SKEMA TATARALAN KAPAMANSAYAN ISTILA
Tumanud Haroon & Omar (2013), skema
tataralan diti nopo nga’ kaampai mantad piipiro syarat miagal ii okito id
rajah 1. Koiso,
bontuk di otigas i
popohompit istila id oinsanan boros id booyungan Dusunik montok mogihum
boros di bobos oniba o’ bontuk. Koduo,
rati di kotunud. Poomitanan,
Istila “bahasa” nopo nga’ noguno mantad Boros Malayu om oilaan
o’ rati miampai potilombus tu’ nakasandad nokorongou. Soira
obontuk o’ rati di kotunud, osonong do mangarati o’ istila
“boros” id BKD tu’ noilaan no do boros diti sumuku
“bahasa” id BM. Kotolu,
mipalud o’ konsep ii sumuku
do nayatan boros di ogonop om au kakasau do boros suai. Sokiro guno’on o’
boros do suai miagal do “minsimbul” montok istila
panandatan id boros kadazandusun, au mipalud o’ konsep tu’ boros
“minsimbul” nopo nga’ haro korotian suai tumanud do
dialek. Kaapat,
osonong do monindu.
Poomitanan, kopomogunaan istila ii kopionit miagal do
“suangai hogot di kotunud o’ panandatan id siriba”. Tohuri,
kopisudong miampai fonologi, morfofenik, om puralan boros di
kipionitan.
Minog kaasil iso istila miampai kosimboguyan artikulasi do tulun Kadazan
Dusun. Milo do oloson o’ istila mantad boros suai tumanud kopisudangan do
artikulasi om ponimbanan id sistom ija’an montok popisudong do aspek
kooturan Boros Kadazandusun. Poomitanan, istila “kereta” mantad Boros
Malayu i nosiliu do “korita” id BKD. Nosimbanan o’ ija’an tu aiso o’
pimato [e] id Boros Kadazandusun. Pimato [e] sinimbanan
kumaa [o], om [i] tu’ artikulasi nopo do tulun Kadazan Dusun
nga’ lobi’ gumu popohompit do boros ii kivokal diti. Montok boros inggiris
nopo nga’ miagal do boros “office” i nosiliu do “upis” tumanud kopisudangan fonologi.
Rajah 1: Syarat pombontukan istila
Tadon: Haroon & Omar (2013)
Sumuhut, pamansayan istila kawawagu BKD
kopionit nogi’
proses ponugkuan, ponompuruan om ponoupan. Suai ko ii, tumanud Hashim (2022), istilah diti nogi aanu mantad
pogonuon om pangalasan istila mantad boros suai miagal BI om BM montok
kapamansayan istila wagu id BKD. Sumusuhut, poindalanon nogi’ kapamansayan istila wagu do BKD maya
ponimungan istila mantad tinimungan boros id booyungan Dusunik montok
momili’ istila montok isoiso ahal ii ingga po id dialek suai.
SUKUON
Haroon, H. & Omar, H. C. (2013). Asas terjemahan dan interpretasi. Penerbit Universiti Sains Malaysia.
Hashim, M. N. N., Wahab, M. K. A., & Ghani, A. A. (2022). Etimologi kata pinjaman parsi dalam bahasa melayu. Jurnal Melayu, 21, 1.