SINTAKSIS BOROS KADAZANDUSUN

 SINTAKSIS BOROS KADAZANDUSUN

1.0 Pongintutunan

Tumanud di Abdullah Hassan, (2013) id Evelyn Annol, Jesseca Dunis. (2014) Sintaksis nopo nga iso gana di monoriuk do kapamansayan panandatan kaampai no do karalano ponguludan do boros montok momonsoi toi ko’ mombontuk do frasa om poingkuro frasa dii maan uludon do mombontuk panandatan. Ponorioukan diti nopo nga popohompit di piromutan gramatis id pialatan boros, frasa om frasa, om nogi pialatan do panandatan montok mombontuk do panandatan. Id suang do kursus diti minomonsoi oku iso analisis teks mantad buuk BKD kokomoi do kouludan konsituen frasa ngaran, frasa maan, frasa ula om frasa popiromut ngaran.

2.0 Koponguludan Konstituen Frasa

Tumanud buuk puralan boros KPM (2008), frasa nopo nga unit i noulud mantad duo boros toi ko’ iso boros di kiwaa potensi kowonsoi duo toi ko’ lobi boros. Id nuludan do puralan boros, frasa nopo nga milo dumadi konstituon do klausa toi ko’ frasa di sondii. Kapamansayan panandatan Id suang Boros Kadazandusun nopo nga karahung o duo konstituen subjek om predikat. kiwaa 4 kawo do frasa miagal do frasa ngaran, frasa maan, frasa ula om frasa popiromut ngaran. Tumanud Henry Banting (2001) id Minah Sintian. (2019), sintaksis Boros Kadazandusun nopo nga tumanud hukum predikat-subjek misuai mantad hukum di Boros Malayu i momoguno hukum subjek-predikat. Sundung po dii, nga kouludan id kadazandusun haro nogi ii momoguno hukum subjek-predikat tumanud konteks panandatan. Tumanud di Abdullah Hassan, Seri Lanang Jaya Rohani, Razali Ayob, Zulkifli Osman. (2006) subjek nopo nga kirati do tulun, kakamot, tionon toi ko’ nunu i maan susuyo om pointalango id isoiso panandatan. Predikat nopo nga, popointalang toi ko’ monusui kokomoi di subjek. 

2.1 Frasa Ngaran

2.1.1 Konstiuen Frasa Ngaran

Evelyn Annol, Jesseca Dunis. (2014) frasa ngaran id boros Kadazandusun nopo nga owonsoi mantad iso’ toi ko’ lobi o patod boros i nonggo do iso’ nopo mantad do patod boros dii nga mositi do boros ngaran. Id kapamansayan do frasa ngaran di nowonsoi mantad do lobi mantad do iso’ o patod boros, ii nopo patod boros do suai nga milo onuon mantad kawo boros do suai miagal ko’ boros maan, boros ula, boros popiromut ngaran om nogi boros toguangon. Suai ko ii, milo nogi gunoon boros ngaran miampai do boros ngaran di suai id kapamansayan do frasa ngaran.

2.1.2. Kawansayan frasa ngaran

  Haro o piipiro kawo do kapamansayan do frasa ngaran:

            i. Boros Ngaran

            ii. Boros Ngaran + Boros Ngaran

            iii. Boros Ngaran + Boros Maan

            iv. Boros Ngaran + Boros Ula

            v. Boros Ngaran+ Boros Popiromut Ngaran

2.1.3 Analisis kokomoi do kouludan konsituen frasa ngaran mantad id teks

Sundung po do owonsoi pola guas boros panandatan mantad duo toi ko’ lobi boros, nga konstituon nopo nga milo nogi owonsoi mantad iso boros.

Numbul	Subjek	Predikat	Analisis
1.	Frasa ngaran	Koitalangan	Nowonsoi panandatan diti mantad iso frasa ngaran miampai kointalangan
	I Ambu	Po noolu

2.	Predikat	Subjek	Analisis
	Frasa ngaran	Frasa ngaran	Nowonsoi panandatan diti mantad frasa (FN) + (FN) om osiliu iso panandatan
	Ogumu kutu	di     Ambu

2.2 Frasa maan

Tumanud Nik Safiah Karim et. al. (2008) id suang Buuk Tatabahasa Dewan, frasa maan nopo nga kaampai mantad iso boros toi ko’ lobi boros suang boros dau. Boros maan abaagi kumaa duo kawo boros maan okon transitif toi om boros maan transitif.  Tumanud di Evelyn Annol, Jesseca Dunis. (2014) boros maan okon transitif nopo nga milo mingkakat sondii om susuhuton nogi do iso’ toi ko’ songnuyudan patod boros. Ii nopo boros maan transitif nga mositi do suhuton do objek toi ko’ nunu-nunu roromu.

2.2.1 kawansayan frasa maan

Frasa maan nopo id Kadazandusun nga owonsoi mantad do pisompuruan boros maan om kawo boros di suai miagal ko’ boros ngaran, boros ula, boros toguangon, boros popiromut ngaran om suusuai po. Milo nogi silihon do frasa o iso’ no patod boros maan di milo mingkakat sondii. Id kapamansayan do frasa maan diti, ii nopo konstituen di lobi ogirot nga ii boros maan. Haro piipiro kawo kapamansayan frasa maan id Boros Kadazandusun.

            i. Boros Maan

            ii. Boros Maan + Boros Ngaran

            iii. Boros Maan + Boros Ula

            iv. Boros Maan + Boros popiromut Ngaran

2.2.2 Kawansayan Frasa Maan Aiso Objek

Montok do kawansayan frasa maan aiso objek diti nopo nga frasa maan di obontuk mantad do frasa maan miampai aiso ontokon pointantu.

2.2.3 Frasa Miampai Boros Ponokodung

Iso nopo ponokodung doid frasa Boros Kadazandusun nopo nga ponokodung timpu om ponokodung topurimanan. Gunoon o ponokodung timpu id kapamansayan do frasa maan montok popokito do soira’ toi ko’ timpu montok do isoiso’ frasa maan. Ponokodung timpu nopo nga miagal ko’ doungosuab, konihab, suab, songkonihab, toun kawagu om suusuai po. Oguno boros ponokodung topurimanan id kapamansayan di isoiso frasa montok popokito do topurimanan kokomoi do maan toi ko’ i pinowonsoi.

2.2.4 Analisis kokomoi do kouludan konsituen frasa maan mantad id teks

1.	Predikat	Subjek	Kawo boros maan
	Frasa maan	Frasa ngaran	Boros maan nopo id panandatan diti nga, boros maan transitif aktif tu haro objek id suang panandatan.
	Kukuto nopo	di Ambu tulu dau

 

2.	Predikat	Subjek	Kawo boros maan
	Frasa maan	Frasa ngaran	Boros maan nopo id panandatan diti nga, boros maan transitif aktif tu momoguno ponugkuan moN-
	Monguhup	tulun kampung

 

 

3.	Predikat	Subjek				Analisis
	Frasa maan		Frasa ngaran			Id frasa ngaran milo kaampai piipiro roromu miagal do boros ngaran, boros ponowoli ngaran om popointalang.
	Boros maan		Boros ponowoli ngaran	Boros Ponuduk	Boros ngaran
	Mimpanau		Isio	Id tanga	Kampung

 

Kouludan konstituen nopo id siriba nga FN+ FM miampai FN sabaagi do subjek om FM predikat.

4.		Subjek		Predikat		Analisis
	Frasa ngaran			Frasa Maan
	Inuntaban		Boros ngaran	Boros maan	Boros ngaran
	Oinsanan		tulun	minindahu	Id ranahon.	Kawo boros maan nopo diti nga, boros maan transitif pasif tu id boros maan nosugkuan sisipan -in- id panandatan. Id frasa maan karahung no boros maan om boros ngaran.

 

5.	Predikat		Subjek	Analisis
	Frasa maan		Frasa ngaran
	Boros ponokodung	Boros maan	Boros ngaran	Id frasa maan karahung boros ponokodung om boros maan.  Kawo boros maan montok panandatan diti nopo nga boros maan transitif aktif.
	Mogot nogi	Pogulion	nu ii dangol

 

6.	predikat				Subjek	Analisis
	Frasa maan				Frasa ngaran
	partikel		Boros ngaran	Boros maan	Boros ngaran	Id frasa maan milo kaampai o patikel, boros, ngaran, boros ponokodung om boros maan. Kawo boros maan nopo nga boros maan transitif aktif.
	I	Samil		minongoi popoguli	dangol di inan Mimi

 

7.	Predikat	Subjek		Analisis
	Frasa maan	Frasa ngaran
	Boros maan	Patikel	boros ngaran	Frasa ngaran milo kaampai patikel om boros ngaran
	Malak-palak po	i	Inan Mimi

 

8.	Predikat	Subjek			Analisis
	Frasa maan	Frasa ngaran
	Boros maan	Popointalang	partikel	Boros ngaran	Frasa ngaran karahung popointalang, partikel om boros ngaran
	Minokiampun tu naakan	no diolo	i	tua’ua’

 

9.	Subjek			Predikat
	Frasa maan			Frasa ngaran
	Boros maan	Pomogonop	popointalang	Boros popiromut ngaran	Boros ngaran
	Pamanau	no yolo	kuminaa	hiri id	gouton

2.3 Frasa Ula

Tumanud Nik Safiah Karim et. al. (2008) frasa ula nopo nga nuludan i owonsoi mantad iso toi ko’ piipiro boros ula sabaagi do suang dau. suang nopo nga boogian utama id nuludan frasa dii. Id boros kadazandusun nopo nga owonsoi FU mantad pisompuruan do boros ula om kawo boros dii suai miagal ko’ boros ngaran, boros ula, boros toguangon, boros popiromut ngaran om milo nogi silihon do frasa o iso’ no patod boros ula di koigkakat sondii. Konstituen di lobi ogirot nopo nga boros ula. Okito nuludan frasa ula BKD id siriba.

            i. Boros Ula

            ii. Boros Ula + Boros Ula

            iii. Boros Ula + Boros Ngaran

            iv. Boros Ula + Boros Maan

            v, Boros Ula + Boros Popiromut Ngaran

2.3.1 Analisis kokomoi do kouludan konsituen frasa ula mantad id teks

Mantad do analisi id siriba okito do partikel nogi nga kaampai id frasa ula.

Numbul	predikat		Subjek
1.	Frasa ula		Frasa ngaran
	Boros ula	Partikel	Boros ngaran	Pomogonop
	Osikap	i	Ambu	Luminisok

 

 

2.	Predikat		Subjek
	Frasa ula		Frasa ngaran
	Boros ula	partikel	Boros ngaran	Pomogonop
	Kadada	i	Horidi	miampai maku-paku

 

Boros yau id siriba nopo boros ponowoli ngaran. Boros yau nogi milo silihon do boros ‘isio’ toi ko ‘isido’.  

 

3.	Predikat	Subjek
	Frasa ula	Boros ponowoli ngaran	Boros maan
	Osiau no	yau	Suminalakoi

 

4.	Predikat	Subjek
	Frasa ula	Partikel	Boros ngaran	Frasa ngaran
	Osonong nodii	i	Inan mimi	kumaa di Ambu

 

2.4 Frasa Popiromut Ngaran

Tumanud Nik Safirah et. al. (2008) Frasa popiromut ngaran nopo nga iso kapamansayan panandatan di kaampai mantad iso boros popiromut ngaran om iso frasa ngaran sabaagi pomogonop kumaa boros popiromut ngaran dii. Frasa popiromut ngaran nopo nga id bontuk morfem om okito id toguang frasa ngaran.

2.4.1 Kawansayan Frasa Popiromut Ngaran

Kawansayan diti kohompit do boros popiromut ngaran om boros ngaran dii. Komoyon nopo nga ilo nopo boros popiromut ngaran nga milo guno’on miampai boros ngaran i morujuk do nunu nopo kawo do boros ngaran. Kiwaa piipiro frasa popiromut id boros kadazandusun kaampai no ‘id’, ‘do’, ‘miagal do’ om nogii ‘kumaa’. Kapamansayan do frasa popiromut ngaran diti nopo nga milo nogi aantakan miampai kopisusuhutan do FPN om frasa di suai miagal do frasa popiromut ngaran + boros ngaran om boros popiromut ngaran + boros ponuduk.

 

2.4.2 Analisis kokomoi do kouludan konsituen frasa popiromut ngaran mantad id teks

Numbul	Predikat	Subjek	Analisis
1.	Frasa popiromut ngaran	Frasa ngaran	Boros popiromut ngaran id panandatan diti nopo nga boros ‘do’.
	Korikot hiri pompod do	Bawang

 

2.	Predikat	Subjek	Analisis
	Frasa popiromut ngaran	Frasa ngaran	Boros popiromut ngaran id panandatan diti nopo nga boros ‘id’.
	Kuminaa hiri id	Gouton

 

Boros popiromut ngaran nopo id siriba nga ‘do’

3.	Subjek			Predikat
	Frasa popiromut ngaran			Boros maan
	Boros Ngaran		Boros popiromut ngaran	Boros maan
	Ka di	inan Mimi	do	Minimpalak

 

3.0 Pomolingkuman

Mantad do analisis di oilaan tokou do oinsanan ralan kapamansayan panandatan i kaampai no ponoriukan kokomoi bontuk om struktur id sawat nopo nga roitan do sintaksis. Id suang do sintaksis diti osoriuk o roromu miagal do panandatan, klausa, om frasa. Osonong kopio do sorohon laang momonsoi toi ko’ papaasil isoiso panandatan di kosudong om pointopot. Maya do analisis diti nogi oilaan do hukum-hukum id Boros kadazandusun om boros malayu nopo nga haro pisuayan om piagaalan. Ii nodi mositi do hondomon om rotion tokou kopio ralan kapamansayan panandatan id suang boros Kadazandusun.

By: Daxter D