pambalajalan Boros Kadazandusun maya do strategi Komuniti Pembelajaran Profesional (PLC)

Sinuat: Daxter D.

I Labin nopo nga songulun tanak susumikul pangaan kotolu di kiwaa kobolingkahangan do au milo moboros  id boros Kadazandusun. I mongingia Rozie nopo nga kiginawo do monguhup di Labin do monolibamban do kobolingkahangan dau id pambalajalan Boros Kadazandusun maya do strategi Komuniti Pembelajaran Profesional (PLC).

Poingkuro strategi Komuniti Pembelajaran Profesional (PLC) kaanu do monguhup di Labin id pambalajalan dau.

Sisimbar:

1.0 Pogintutunan

Tumanud di Pun om Mansor (2022), Komuniti Pembelajaran Profesional (PLC) nopo nga’ iso goos monunuduk i kumalaja maya kolaboratif, ogoos om potilombus papasil inkuiri om ponoriukan woowonsoyon montok mamagampot prestasi toi ko’ koimogoton di lobi sonong. Sumusuhut, tumanud di Ismail et al. (2019), winonsoi o' PLC moi do' mogiuhup-uhup mongingia' id koubasanan kolaborasi montok manahang kinogompoton tangaanak, miilang pedagogi, moginsonong pongia'an, pambalajalan om kinogompoton tangaanak.

2.0 Strategi Komuniti Pembelajaran Profesional (PLC)

Tumanud Kementerian Pendidikan Malaysia (2006), abaagi o’ strategi PLC kumaa limo strategi apangkal. Iti kaampai no do pibarasan reflektif, penswastaan woyo, panatalan maya kolektif kumaa pongia’an tangaanak, woyo kolaboratif, om pamansayan norma om woyo toluud.

Tadon: Kementerian Pendidikan Malaysia (2006)

Tumanud Keong et al. (2016), pibarasan reflektif diti abaagi kumaa piipiro romu. Koiso, pibarasan i tosorisid id tinimungan mongingia’ kokomoi asil kalaja om koimogoton tangaanak miampai poginsanangan. Pibarasan diti milo padalanon do tikid tulan. Koduo, kalab buuk montok mogiilang toilaan soira mambasa’ buuk toi ko’ artikel do tikid tulan. Kotolu, tinimungan do mingsingilo kokomoi kabaalan momusorou, mogisuusuai kadarakasan toi ko’ ponoriukan kokomoi pomusarahan. Tohuri, papadalan kritikan kokomoi vidiu pongia’an mongingia’.

Sumusuhut, penswastaan woyo i abaagi kumaa learning walks i aanu soira mimpanau mongingia’ id sorili do sikul montok mogintong laang pongia’an om pambalajalan mongingia’ suai. Koduo, peer coaching i mogintong om maganu ponguhupan mantad mongingia’ suai. Kotolu, lesson study, i padalanon iso tinimungan mongingia’ montok papaasil RPH om onuan poginsanangan di potilombus. Tohuri, Teacher sharing sessions montok mogi’ii’ilang do woyo pongia’an di bobos tosonong. (Kementerian Pendidikan Malaysia, 2019)

Suai ko ii, panatalan maya kolektif kumaa pongia’an tangaanak, i abaagi kumaa analisis data montok monoriuk om mogibooboros data agregat tangaanak. Koduo, pemetaan kurikulum montok popoturidong peta kurikulum tumanud topik, standard om aktiviti. Kotolu, pentaksiran serentak. Tohuri, tinimungan mongingia’ kritikal montok monoriuk kokomoi asil kalaja tangaanak. 

Suai ko mantad dii, woyo kolaboratif i abaagi kumaa Horizontal and vertical teams i guno’on papaharo pibarasan. Koduo, induksi mongingia’ wagu, sabaagi sokodung kokomoi pedagogi, prosedur om sandau. Kotolu, unit toi ko’ projek miampai mogisuusuai gana. Tohuri, tinimungan manalasai do kobolingkangan.

Tohuri, pamansayan norma om woyo toluud i abaagi kumaa aktiviti visi montok popoburu gambalan timpu dumontol organisasi. Koduo, susukuon tumanud prinsip montok popoburu prinsip sabaagi sukuon momonsoi kotuuson. Kotolu, aktiviti woyo toluud. Tohuri, strategi om tradisi ii pinoilang moi do kaanu fokus do popogirot dimpoton.

 

3.0 Analisis kobolingkangan di Ladin i au milo moboros BKD

Iso nopo sabab do au koilo moboros Boros Kadazandusun i Ladin nga’ au nasandadan toi ko’ notudukan molohing do moboros boros tina. Oponsol kopio do pasandadon molohing boros diti tu’ tumanud teori kognitif koimogoton kognitif Vygotsky id suang Wong et al. (2016) oponsol do haro kouhupan tulun di lobi abaal montok monguhup tangaanak popoingkawas kabaalan diolo.   

            Sumusuhut, koumbulai nogi’ kobolingkangan diti tu’ natagak sunduan di Ladin do mingsingilo. Au nokoimogot o’ kabaalan tu’ oikuman iso kumaa tangambalut suai id kalas tu’ alaid isio do monguasa kabaalan moboros id Boros Kadazandusun. Mantad dii, tumalub nodi subu toi ko’ motivasi di Ladin do mingsingilo do moboros Boros Kadazandusun. Tumanud di Noriati et al. (2016), oponsol o’ subu diti montok proses pongia’an tu’ kopoingkawas rahi do mingsingilo.

Tohuri, au nakabagas toi ko’ nokotosol o’ pongia’an id toun di nakatalib. Proses pongia’an nopo diti nga’ mositi palanon om haro taang kabaalan di noulud no montok toinsanan tangaanak. Iso nopo sabab do au po koilo moboros i Ladin sundung pia do id toun kotolu no tu’ notoliban toi ko’ au nokotosol proses pongia’an id toun di nakatalib. Tumanud di Zanariah et al. (2011) kiwaa piipiro mongingia’ di mongia’ montok magawi do tukuan pambalajaran no om au popotosol kabaalan tangaanak diolo.

4.0 Monolibamban kobolingkangan di Ladin momoguno strategi Lesson Study

Tumanud Kementerian Pendidikan Malaysia (2019), Lesson study diti kirati do woyo kolaboratif do mongingia’ montok mamalan om mogumpai iso palan pongia’an, monorisid pongia’an mongingia’, momonsoi refleksi kokomoi PdPc, monimban montok moginsonong palan pongia’an om papadalan poginsananan ii naakun. Tudu nopo do strategi diti nga’, koiso, popoingkawas kualiti pongia’an mongingia’ om pambalajalan tangaanak id iso timpu tanaru. Koduo, popoingkawas woyo refleksi mongingia’. Kotolu, momonsoi iso toilaan om korotian dii mongingia’ kokomoi kobolingkangan i toguangon do tangaanak.

Laang koiso nopo do papadalan strategi diti nga’ momili’ po iso luguan montok tinimungan mongingia’. Luguan nopo di kosudong nga’ i mongingia’ Rozie tu’ isido ii bobos kiginawo monguhup di Ladin. Sumusuhut, popotontu iso dimpoton om momonsoi draf do RPH. Tudu nopo i maan gompoto nga’ koingkawas kabaalan di Ladin do moboros Boros Kadazandusun. Soira opongo ii, maan nondo pabantao’ o’ strategi pongia’an di maya osorisid montok koingkawasan gatang pongia’an. Iso nopo woyo di intangan do mamalan RPH diti montok monguhup di Ladin nga’, pongia’an di kohiok montok popoingkawas sunduan disio do balajal. Tumanud di Ismail et al. (2018) koingkawas nogi’ o’ sunduan mongingia’ soira mogiuhup-uhup mamalan RPH. Sunduan takawas i pointalangon di Ladin om mingingia’ diti koponguhup id kapadalanan pongia’an di tosonong.

Soira apalan ii RPH, intangan nondo koindalanon pongia’an momoguno’ RPH di napalan. Guno’on di mongingia’ Rozie o’ RPH dii id pongia’an om pambalajalan. Tinimungan mongingia’ di suai nopo nga’, mogintong om monimung koilaan tumanud tudu sumuku’ do RPH di nokosodia. Montok tangaanak di abaal onuan yolo aktiviti ponginluuban, om tangaanak miagal di Ladin onuan do aktiviti ponondulian. Oponsol kopio iti tu’, tumanud di Wong et al. (2016) au mogiagal o’ kadarakasan tangaanak.

Laang koduo, momonsoi nondo mongingia’ do refleksi mogintong do nodimpot ii tudu Lesson Study idi toi ko’ au. Sabaagi poomitanan, mogibooboros i mongingia’ Rozie miampai mongingia’ suai do mogintong bagas RPH di napalan kumaa taang toi ko’ koimogoton moboros di Ladin. Soira kadalan ii, om rumuba nondo ii mongingia’ kumaa mongingia’ di lobi abaal montok mokianu sogu om poginsanangan RPH. Soira oinsanan ii RPH maan nondo kawagu guno’o RPH di noinsanangan om intangan o’ taang kaabalan di Ladin.

Tohuri, pibarasan i RPH om woyo di bobos tosonong maan poilango’ kumaa mongingia’ suai montok monguhup diolo mamalan pongia’an. Maya do toilaan di nokoilang, kopurimanan no daa i mongingia’ suai do kounalan palan pongia’an di noulud montok popoingkawas kabaalan tangaanak om okon ko’ mongia’ montok magawi tukuan pambalajalan no nga’ au abaal o’ tangaanak.

5.0 Pomolingkuman

Sabaagi pomolingkuman, Komuniti Pambalajalan Profesional (PLC) nopo nga’ iso kakamot montok toinsanan mongingia’ do mogiiboboros toi ko’ mogiilang toilaan maya profesional om papaharo iso koubasanan PLC montok koimogoton om momolodi’ tangaanak di abaal om monguhup tangaanak i haro kobolingkangan id pambalajalan miagal di Ladin.